قصة بنت شافها اخوها تفطر في نهار رمضان ..

قصة بنت شافها اخوها تفطر في نهار رمضان ..


جبتلكم قصه وحده شافهــــــــــا اخوها تفطر في نهار رمضان .. شنو تتوقعون سوت ..؟!

القصة على لسان البنت

اترككم مع القصه ..


في يوم من ايام رمضان المبارك كنت ماخذة اجازة من الصيام و خلصت صلاة الفجر .. وذهبوا افراد العائلة كلن الى مرقده ..
عاد هم راحوالغرفهم من هنا .. وانا انطلقت للمطبخ من هناك ..
أخذت لي فيمتو و شيبس و طلعت لغرفة التلفزيون مبتهجة ..

وبينماأنا في خضم البلع والكركرة على مسلسل كوميدي كنت اتابعه وداخلة جووو الاوينفتح الباب واشوف وجه كذا >>>>>>>>>>> ..

ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية وحواجب كحلية - كان يونس في أشد الدهشة والانبهار والتعجب حتى ظننت انه قد يموت بسكته قلبية ..

يونس بصدمه: ماصمتييييييييييييي ..؟؟؟!!!!!!!

أنا وفي يدي كأس مليء بالثلج وكيس شبس كبر وجه أخوي يونس قلت ببلاهه: ليه أنت صايم ..؟؟!!

يونس : وجع ..من جدك تسألين هالسؤال ..؟!

أنا بكل ثقةوبجاحة: والله انت بعد سألني نفس السؤال ..

يونس: والله انتي اللي جالسة تبلعين وتشربين مو انا ..

ممممممم شفت الولد ماعنده نية يفهم .. استوعبت انه يا اما انه كان غايب فى درس الفقه منهج سادس ابتدائي .. يا اما ان مدرسهم طمر الدرس .. ولا وش ذا الدلاخة ..؟!

ومافيه مجال أصير ناسيه وأنا مجهزة العدة .. كاس ثلج وبيبسى ومنقيه الشيبس اللي أبيه ..

المهم قلت في نفسي والله لو يموت مااعلمه انا عن ذا العلوم .. مو لهالدرجة انا وسيعة صدر فماكان مني الا اني فجأة قلت له ..


: اسمع بقولك سر بس بذمتك لايدرون امي وابوي ولا احد .. أوعدني ماتعلم احد وانك تحفظ سري هذا لين أموت .. ان مت علم اهلي عاد خلاص مايقدرون يسوون لي شي ..


يونس: واللللللللللللللللللللللللللله ماأقول لأحد ..اقسم بايات الله وبالقرآن والكعبة وجعلي اموت اني مااقول لااحد اذا علمتيني<< خرجت هذه الكلمات من أخي يونس بحماس مشبع بالسعابيل المتناثرة التي لامست وجهي (وع) ..

انا بكل ثقه: أجل شوف بصراحة أنامسيحية ..

يونس بصدمه: لا والله ..!! قولي قسم بالله ..؟!

فقلت: انا مسيحية ولا أقدر أحلف لان ديني غيركم << عشت الدور على طول ..
فكملت: بس بقولك القصة يمكن تخف روعتك شوي وتقدرتتفهمني و تحتويني وتحتضني (حسيتني بخرب الولد) ..
القصة ومافيها .. أني انا يوم كنت صغيرة .. ترى أهلي ماكانوا مهتمين فيني مثلك .. كانوا بس يخلوني عند التلفزيون ويروحون يتمشون .. تعرف انا اول طفل لهم وامي وابوي كانوا توهم صغار وطايشين وطفرانين ببعض وانا حسوني دخيلة بينهم ماادري ليه جابوني بسرعة اذا هم مايبغوني ..

فجأة شفت عبرة خنقت يونس ذو القلب الكبير وهو يتابع بصمت وفضول وغباء ..

يونس: طيب ليش أجل تلبسين عبااااااية !! وانتي مو مثلنا ..؟! << قاطعني أخي يونس بكل دلاخة ..

رديت بنفس النبرة الكسيرة : حتى الفلبينيات يلبسون عباية .. انا كنت البسها مثلهم احسبها يونيفورم للسعوديات ..

ورجع منجديد بسؤال أذكى قليلا من السابق : طيب ماعلموكى بالمدرسة الاسلام ؟!!!

انا: لا كنت أنام في الحصص وفي الاختبارات أغش ..

واستطردت في القصة: فلما كبرت وجيت أنت .. حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر .. حط لي نت وقال لي هذالك لك اما هذا لنا "مشيرا بأصبعه المشعر إليك " وخذوك معاهم ورحتوا تتمشون ..
المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا .. وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت .. بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي واعتنقتها وأهلي مايدرون وللحين مايدرون ..


يونس بلم وهو في حيرة وده يرد ولاهوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال : طيب ماتفكرين تسلمين ..؟<

لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي .. قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا ..

داخ راسي من كثر الخرط عليه وجاني النوم .. قمت وعطيته كاسي بعدما شربته كله وقلت: خذ رجعه للمطبخ أنا تعبت من الصياح بروح أنام ..

جاء يوم غد .. وفجأة أسمع شي يخربش تحت باب غرفتي ..الاعت جبدى حسبته زهيوى .. قمت ابشوف مادريت الا كتيب ديني يينحط تحت الباب ..

واشوف ..الاعنوانه Islam ???!!

وافتح الباب بسرعة بشوف من اللي حاطه .. الا واسمع صوت باب غرفة يونس يتسكر بقوة

ههههههههههههههههههههههههه ههههههههه يا انا ضحكت ضحكة بغت تنكسر شبابيك غرفتي
خلاص معد استحمل .. هالولد تحفة لازم تنحط في متحف اللوفر .. لعنبو ابليسه وش ذا المخ ..

طيب يوم انك بتدعوني ليه جايب لي كتاب دعوة بالانجليزي .. شايفني شغالة .. على باله يوم صرت مسيحية معد افهم عربي .. ماادري ذا الولد مخه وين ..

المهم اناعقب هالضحكة نسيت الكذبة .. ولهيت بمشاغل الحياة<< مشكلة البزي وومن ..

ومر كم يوم .. وصدفت ان يونس مر جنب غرفتي وانا لابسة جلالي وأصلي .. وأنا أسجد ..
مادريت الا بصوت رجول تراكض متجه نحوي .. واجلس من السجود الا ويونس يصيح ويحب راسي ..

أناخلااااااص بفطس من الضحك .. يالله كملت التشهد وسلمت .. الا وياخذني بالاحضان يونس صاحب القلب الكبير ويقول بفرح: الحمداللللللللله أسلمتي .. الحمداللللللللله أسلمتي ..

ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني )
بس والله رحمته جاني الصياح صدق .. ماأدري هو أن عشت الدور ولا صياحه صيحني ..

ويمر أبوي قدام هالمشهد التراجيدي وينهبل : وجععععععع خيرانهبلتوا .. وش صاير ..؟!

ويونس من هول سعادته كب العفش والعشا والقش كله: بنتك أسللللللللللمت أسلللللللمت ..

طبعاابوي مات من الضحك ونادا امي وقالها السالفه ..
وماتت من الضحك واخر شي انجلدت وانضربت <== (مالهم خاتمه ابهات و امهات اخر زمن ما يكفي إني ضحكتهم و وسعت صدورهم ..؟؟؟!! وبعدين مو ذنبي ان ولدهم دلخ )

بس عادي التعب عادي مايجي شي عند هالخرطة اللي كبر حمار ومشت على يونس الفتى صاحب القلب الكبير هو وكتيبه الدعوي بسوى له برواز عندي و اهدده فيه اذا استبثر علي في المستقبل ..